Նաիրիտցիների աշխատավարձերի վճարման գործընթացը կավարտվի առաջիկա երկու օրվա ընթացքում

Երևանի «Նաիրիտ» գործարանի աշխատակիցների աշխատավարձերի վճարման գործընթացը՝ բոլոր փաստաթղթային ձևակերպումներին զուգահեռ, հաջողությամբ կատարվում է: Այս մասին այսօր՝ կառավարության նիստի մեկնարկին հայտարարեց ՀՀ էներգետիկայի և բնական պաշարների նախարար Երվանդ Զախարյանը:

«Աշխատավարձերի վճարման ողջ գործընթացը կավարտվի առաջիկա երկու օրվա ընթացքում»,- ասաց Զախարյանը և հավելեց, որ որևէ խոչընդոտող հանգամանք չկա, այդ թվում և՝ ֆինանսական: