Կառավարության աշխատակազմի բնականոն գործունեության համար հատկացվեց 41 մլն դրամ

ՀՀ պետական բյուջեից կառավարության աշխատակազմի բնականոն գործունեությունն ապահովելու համար հատկացվեց 41 միլիոն 450 հազար դրամ: ՀՀ կառավարության աշխատակազմի ղեկավար-նախարարի առաջին տեղակալ Գուրգեն Դումանյանը նշեց, որ գումարն անհրաժեշտ է աշխատակազմի տեխնիկական խնդիրները լուծելու համար:

Վարչապետ Հովիկ Աբրահամյանն էլ ավելացրեց, որ հատկացված միջոցներով ձեռք են բերվելու բարձրախոսներ՝ կառավարության երրորդ հարկի դահլիճում տեղադրելու նպատակով: