Ռուբեն Վարդանյանը ֆինանսական նոր բիզնես է գործարկում

Ռուբեն Վարդանյանը ֆինանսական նոր բիզնես է գործարկում: Նա կառավարելու Է ռուս գործարարների, նրանց ժառանգների ու փոխարինողների կարողությունները, տեղեկացնում է «Արմենպրես»-ը:

Մոսկվայի «Սկոլկովո» կառավարման դպրոցի հետազոտության համաձայն, որի հոգաբարձուն «Տրոյկա Դիալոգ»-ի նախկին հիմնական բաժնետեր Ռուբեն Վարդանյան 92-ն Է, ունեւոր ռուս գործարարների միջին տարիքը 48 Է: 10-20 տարի անց նրանց բոլորին հարկավոր կլինեն բիզնեսի եւ կարողությունների փոխանցման ձեւակերպման ծառայություններ:

«Խոսքը ոչ միայն օլիգարխների, այլեւ միջին մակարդակի գործարարների մասին Է: Իսկ նրանք ոչ թե հարյուրավոր, այլ տասնյակ հազարավոր մարդիկ են»,-Forbes-ին պատմել Է Վարդանյանը:

2015 թվականի ամռան սկզբին նա բացել Է Phoenix Advisors ընկերությունը եւ multifamily office (դրա անվանումն առայժմ չեն բացահայտում): Դրանց աշխատանքը ղեկավարում Է «Ռենեսանս կապիտալ»-ի նախկին նախագահ Ալեքսանդր Մերզլենկոն, որը պատասխանատու Է հանգուցային հաճախորդների հետ հարաբերությունների համար: 2015 թվականի գարնան վերջին Մերզլենկոն Phoenix Advisors-ի տնօրեն Է նշանակել նախկին ավագ գործընկերոջը՝ «Երրորդ Հռոմ» ընկերության ընտանեկան գրասենյակի ղեկավար Ալեքսեյ Ստանկեւիչին: Նրա պարտականությունների մեջ մտնում են գործարքների ու ակտիվների ձեւակերպումը, կապիտալների փոխանցման պլանավորումը:

Բիզնեսի կարեւորն մասն Է պրոտեկտորատների ստեղծումը: Պրոտեկտորը (Վարդանյանի ընկերության ներկայացուցիչը) ներկայացնում Է ժառանգների շահերը ընտանեկան բիզնեսում: Վարդանյանը բացատրում Է, որ այդ ծառայությունը հարկավոր Է ընտանիքի ակտիվները պաշտպանելու համար, ինքն ունի ժառանգների համար նմանօրինակ մեխանիզմի կիրառման փորձ: Նման բիզնեսի առանձնահատկությունը պրոտեկտորի եւ սեփականատիրոջ միջեւ վստահության բարձր մակարդակն Է:

Ստանկեւիչն ասում Է, որ հաճախորդները գալու են հիմնական սեփականատիրոջ երաշխավորությամբ: Առաջիկա յոթ տարում նրանց թիվը սահմանափակվելու Է 100 մլն դոլարից ավելի կարողությամբ 50 ձեռնարկատերերով:

Ռուբեն Վարդանյանի բիզնեսի մանրամասներին ավելի հանգամանորեն կարելի Է ծանոթանալ Forbes-ի սեպտեմբերյան համարում: