Հայաստանը Ղարաբաղին 20 մլն դոլարի վարկ կհատկացնի

ՀՀ կառավարությունն օգոստոսի 18-ի նիստում ընդունեց Լեռնային Ղարաբաղի Հանրապետությանը բյուջետային վարկ տրամադրելու մասին որոշումը:

2015 թվականի երրորդ եռամսյակում կայունացման դեպոզիտային հաշվի միջոցներից 9 մլրդ 600 մլն դրամի չափով բյուջետային վարկ կտրամադրվի հայկական երկրորդ հանրապետությանը:

Նիստում ֆինանսների փոխնախարար Արմեն Ալավերդյանը հայտարարել է, որ գումարները կհատկացվեն այս տարվա երրորդ եռամսյակում՝ մինչեւ 2020 թվականը մարելու պայմանով: Մարումը կսկսվի 2015-ի դեկտեմբերից, եռամսյակային կտրվածքով:

Դրամական միջոցները կտրամադրվեն տարեկան 8,5 տոկոս տոկոսադրույքով՝ ԼՂՀ կառավարության բյուջետային երաշխավորմամբ: