Օլանդի սխալները 54 մլրդ եվրո են նստել Ֆրանսիայի վրա. Boulevard Voltaire

Ֆրանսուա Օլանդը, երեք տարի զբաղցեցնելով Ֆրանսիայի նախագահի պաշտոնը, կարող է զգալի պարտք թողնել երկրին: Այդ մասին, ինչպես տեղեկացնում է «Արմենպրես»-ը, գրել է Boulevard Voltaire ֆրանսիական հրատարակությունը:

Նույնիսկ եթե նկատի չառնվեն տագնապալի տնտեսական ցուցանիշները, կարելի է գնահատել աղետի մասշտաբները՝ ուշադրություն դարձնելով այս ամռանը տեղի ունեցած երկու դրվագի վրա: Ինչպես պնդում է Boulevard Voltaire-ը, երեք ամսից էլ պակաս ժամանակում Ֆրանսիան Օլանդի մեղքով կորցրել է 54 մլրդ եվրո:

«Մեր «խիզախ»« նախագահը շարունակումէ սխալներ թույլ տալ միջազգային աշխարհաքաղաքականության բնագավառում, որոնց համար վճարելու են ֆրանսիացի հարկատուները»,- նշվում է հոդվածում:

Ավելի վաղ հայտնի է դարձել, որ Ֆրանսիան 2 մլրդ եվրո կվճարի Ռուսաստանին «Միստրալները» չմատակարարելու համար, նշում է հրատարակությունը: Հոդվածի հեղինակը հիշեցնում է, որ սկզբնապես Ռուսաստանը պլանավորում էր ձեռք բերել ոչ թե երկու, այլ չորս ուղղաթիռակիր: Հաշվի առնելով այն, որ երկու չկառուցված նավերի համար Ֆրանսիան կորցրել է 1 մլրդ եվրո, երկրի համար ընդհանուր վնասը կազմել է մոտավորապես 3 մլրդ եվրո:

«Միստրալներից» բացի, Ֆրանսիան կորցրել է Հնդկաստանին 26 Dassault Rafale կործանիչների մատակարարման 48 մլրդ եվրոյի պարտավորագիրը:

Սպառնալիքի տակ է նաեւ Եգիպտոսին այդ կործանիչների մատակարարման պայմանագիրը, որը գնահատվում է 5,2 մլրդ եվրո. պարտավորագրով նախատեսված վճարումներն անելու համար Եգիպտոսի իշխանությունները Ֆրանսիայից պարտք են վերցրել 2,6 մլրդ եվրո, հաղորդել է ՌԻԱ Նովոստին: