Հունաստանի ֆինանսական օգնության պահանջմունքը հասել Է 92 մլրդ եվրոյի. Süddeutsche Zeitung

Հունաստանի ֆինանսական օգնության պահանջմունքները 6,2 մլրդ եվրոյով ավելի մեծ են, քան սկզբնապես ենթադրվում Էր: Այդ մասին, ինչպես տեղեկացնում Է «Արմենպրես»-ը, հաղորդել Է գերմանական Süddeutsche Zeitung թերթը:

Նրա տվյալներով՝ վարկատուները ելնում են այն բանից, որ Աթենքին կպահանջվի շուրջ 92 մլրդ եվրո: Սա զգալիորեն ավելի Է մեծ Է այն գումարից, որը նշվել Էր եվրոգոտու՝ հուլիսի 12-ի գագաթնաժողովի համաձայնագրում: Այնտեղ խոսքը վերաբերում Էր «82-ից մինչեւ 86 մլրդ եվրո ծավալի ֆինանսավորման ծրագրի անհրաժեշտությանը»:

Օգոստոսի 19-ին Բունդեսթագում քվեարկություն Է անցկացվելու Հունաստանին հատկացվող օգնության երրորդ փաթեթի շուրջ: Տեղի դիտորդներն սպասում են, որ ԳՖՀ-ի խորհրդարանը կպաշտպանի վարկային ծրագիրը: Նրանց կարծիքով, ամենից առաջ, հետաքրքիր Է, թե կառավարող կուսակցություններից քանի պատգամավոր դեմ կարտահայտվի երրորդ փաթեթին:

Հուլիսին ՔԴՄ/ՔՍՄ խմբակցությունից 60 խորհրդարանականներ քվեարկել Էին Հունաստանի հետ վարկատուների բանակցությունների սկսման դեմ, հաղորդել Է ՏԱՍՍ-ը: