Bentley-ն հայտարարել է աշխարհում ամենարագընթաց կրոսովերի ստեղծման մասին

Անգլիայի Bentley ընկերության առաջին կրոսովերը՝ Bentley — Bentleyga-ն, փորձարկման բոլորողու վրա գերազանցել է ժամում 300 կիլոմետր արագությունը, ինչն, այսօրվա դրությամբ, ռեկորդ է SUV դասի ավտոմոբիլների համար: Այդ մասին, ինչպես տեղեկացնում է «Արմենպրես»-ը, ասված է ընկերության մամուլի տեղեկագրում:

Նշվում է, որ Bentley-Bentleyga-ն հանդերձված է W12 TSI 12-գլանանոց շարժիչով: «12 գլանների W-աձև յուրօրինակ դասավորությունը երաշխավորում է դրա կոմպակտությունը և նման աշխատանքային ծավալի և հզորության համար ոչ մեծ զանգվածը»,- ասված է մամուլի տեղեկագրում:

Bentley-ի կրոսովերի շնորհանդեսը պետք է կայանա Մայնի Ֆրանկֆուրտի ավտոսալոնում, որը տեղի կունենա սեպտեմբերին: Սպասվում է, որ ավտոմեքենան վաճառքի կհանվի 2016 թվականին:

Վաճառքի մեկնարկից հետո գնորդները կարող են ընտրություն կատարել V8 4-լիտրանոց շարժիչով կամ W12 6-լիտրանոց շարժիչով երկու ենթատիպերի միջև: 2017 թվականից մոդելը կարելի կլինի ձեռք բերել հիբրիդային ուժային կայանքով: