ՀՀ դրամավարկային քաղաքականությունը նպաստել է երկրի տնտեսական աճին. Գագիկ Մինասյան
Տնտեսություն
Համաշխարհային արժույթային շուկայում ընդհանուր տատանումները մտահոգիչ են: «Արմենպրես»-ի հետ զրույցում նման դիտարկում արեց Ազգային ժողովի ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը: «Արևելյան շուկաներում տևական ժամանակ է, ինչ տնտեսական աճը ցածր է: Ռուսական շուկայում ռուբլու արժեզրկում է տեղի ունենում, նավթի գների անկում կա: Վերջին հանգամանքը բերում է այն բանին, որ Ռուսաստանի, Չինաստանի և արևելյան տարածաշրջանի այլ երկրների արժույթները դոլարի նկատմամբ արժեզրկվում են: Այս միտումը բավականին աննպաստ պայմաններ է ստեղծում տնտեսական աճի համար: Տնտեսական անկում են գրանցում ոչ միայն որոշ ԱՊՀ երկրներ, այլև Չինաստանը ու դրան հարակից արևելյան երկրներ»,- հավելեց նա:
Մինասյանի խոսքով' բոլոր երկրների կենտրոնական բանկերն իրենց դրամավարկային քաղաքականությամբ պետք է նպաստեն երկրի տնտեսական աճին ու գների կայունությանը: «Այս տեսակետից ՀՀ-ում լուրջ խնդիրներ դեռ չկան, և այդ խնդիրներից խուսափելու համար մեր հանրապետության համապատասխան կառույցները պետք է չափազանց զգոն լինեն ու ժամանակին ճիշտ որոշումներ կայացնեն: Մինչ այժմ մեր երկրի վարած դրամավարկային քաղաքականությունը նպաստել է երկրի տնտեսական աճին ու գնային կայունությանը»,- շեշտեց Մինասյանը:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
