«Իսլամական պետությունը» քիմիական զենք է արտադրում. ԶԼՄ-ներ

«Իսլամական պետություն» ահաբեկչական կազմակերպությունը քիմիական զենք է արտադրում, հայտնում է բրիտանական BBC հեռուստառադիոկորպորացիան:

«ԱՄՆ-ի իշխանությունները կասկածում են ԻՊ-ի գրոհայիններին Սիրիայի և Իրաքի տարածքում քիմիական զենք արտադրելու և օգտագործելու համար: Ամերիկյան հետախուզությունը գրանցել է այդ զենքի օգտագործման առնվազն 4 դեպք սիրիա-իրաքյան սահմանի 2 կողմերում»,- հայտնել է ամերիկացի պետծառայողը:

Իպրիտը կիրառվում է փոշու տեսքով, որն ավելացնում են պայթուցիկ նյութերի մեջ: Այդ գազն արգելված քիմիական զենք է և կարող է մաշկային հիվանդություններ, կուրություն և շնչառության հետ կապված խնդիրներ առաջացնել:

ԻՊ-ի գրոհայինները, հավանաբար, իրենք են պատրաստում արգելված քիմիական նյութերը: BBC-ի հավաստմամբ՝ ԻՊ-ում քիմիական զենքի արտադրությամբ զբաղվում է ոչ մեծ հետազոտական խումբ:

Մեկ այլ վարկածի համաձայն՝ գրոհայինները, հնարավոր է, քիմիական զենքի պաշարներ են հայտնաբերել Իրաքում կամ Սիրիայում: