Սոբչակը պնդում է, որ հոգևորականն իրեն «դժոխքի բաժին է դարձրել»
Ռուսաստան
Վերջերս ռուսական մամուլում ակտիվ քննարկումներ են ընթանում հայտնի երգիչ Ֆիլիպ Կիրկորովի և եկեղեցական այրերի միջև ծագած հակասությունները: Հիշեցնենք, որ Կիրկորովի աղջկա կնքման արարողության «աշխարհիկ բնույթը» դուր չի եկել հոգևորականներին, ինչի կապակցությամբ նրանք նույնիսկ խորհուրդ են տվել արգելել երգչին եկեղեցի այցելել:
Իսկ շատերը գիտեն, որ ռուսական շոու-բիզնեսում որտեղ կա սկանդալ, այնտեղ է նաև Քսենիա Սոբչակը: Կիրկորովի հետ կապված միջադեպի մասին մեկնաբանություն վերցնելու ակնկալիքով Սոբչակը զանգահարել է հոգևորական Դմիտրի Սմիռնովին: Սակայն, հոգևորականը հրաժարվել է մեկնաբանություն տալ և արտաբերելով «դժոխքի բաժին դառնաս» արտահայտությունը` անջատել հեռախոսը: Այս մասին Սոբչակը գրել է Twitter-ի իր էջում և ավելացրել` «և ի՞նչ անել հիմա»: Դատելով Քսենիայի գրածից` դժոխքում հայտնվելու մտադրություն նա չի ունեցել մոտակա ժամանակներս:
Միևնույն ժամանակ «Լրատվության ռուսական ծառայությանը» տված հարցազրույցում հոգևորականը հերքել է այդ լուրը` նշելով, որ Սոբչակն իրեն հրավիրել է մասնակցելու հեռուստանախագծի, սակայն ինքը շատ քաղաքավարի կերպով մերժել է: Նա նշել է նաև, որ մարդկանց դժոխք ուղարկելու-չուղարկելու լիազորություն ինքը չունի. «Դա արդեն ոնց Աստված կկամենա»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
