ՀԷՑ-ի վաճառքից հետո էլեկտրաէներգիայի սակագինը չի վերանայվի

ՀԷՑ-ի վաճառքից հետո էլեկտրաէներգիայի սակագինը չի վերանայվի: Այս մասին այսօր կառավարության նիստից հետո լրագրողների հետ զրույցում ասաց ՀՀ էներգետիկայի և բնական պաշարների նախարար Եվրանդ Զախարյանը՝ հավելելով, որ սակագնի շուրջ վերջնական դիրքորոշում կառավարությունը կհայտնի ՀԾԿՀ-ում կատարվող ուսումնասիրությունների արդյունքում:

Անդրադառնալով էլեկտրաէներգիայի վարձավճարներն ուռճացված ներկայացնելու մասին լուրերին՝ Երվանդ Զախարյանը նշեց, որ նման բան հնարավոր չէ: «Նոր բովանդակությամբ պայմանագրեր սպառողների հետ դեռևս չեն կնքվել՝ հաշվի առնելով, որ գործում է նոր սակագինը, ուղղակի փոփոխություններ են կատարվում պայմանագրին կից հավելվածների մեջ: Եթե կան նման դեպքեր, թող դիմեն նախարարություն»,- ասաց Զախարյանը: