Մոսկվայի մետրոյում առաջին զուգարանն են բացել ուղեւորների համար
Ռուսաստան
Մոսկվայի մետրոյի «Կալուժսկո-Ռիժսկայա» գծի «Պրոսպեկտ Միրա» կայարանում սկսել Է աշխատել առաջին անվճար հասարակական զուգարանը:
Զուգարանից կարելի Է օգտվել անվճար, բայց դրա համար կպահանջվի «Տրոյկա» ակտիվ քարտը: 2015 թվականի մայիսի դրությամբ, այդպիսի քարտ ունի մետրոյի ուղեւորների մեկ երրորդը: Եթե ուղեւորը զուգարանում գտնվի 15 րոպեից ավելի, կգործի ձայնային ազդանշանը, տեղեկացնում Է «Արմենպրես»-ը:
Առայժմ հանրային զուգարանը նախատեսված Է 150 ուղեւորի համար, հայտնել են ՌԴ մայրաքաղաքի գետնուղում: Դրանից հետո կվերլուծվեն փորձի արդյունքները, եւ հնարավոր Է զուգարաններ տեղակայեն նաեւ այլ կայարաններում:
Մետրոպոլիտենի ներկայացուցիչ Իվան Օստաշկոյի խոսքով՝ զուգարանի մոդուլն «Էկոլոգիապես մաքուր Է, անվտանգ, եւ բացառում Է թափոնների արտահոսը, ինչպես նաեւ հոտերի տարածումը»:
«Մոդուլն ինքնավար Է, դրա համար կոյուղու ցանցեր եւ ջրմուղ չեն պահանջվում»,- նշել Է նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
