Ուդալցովը ձերբակալվել է իշխանամետ ակտիվիտստուհու վրա հարձակվելու կասկածանքով

Ռուսաստանի Ուլյանովսկի մարզում ոստիկանությունը ձերբակալել է ընդդիմության «Ձախ ճակատ»–ի համակարգող Սերգեյ Ուդալցովին, որը կասկածվում է իշխանամետ «Մալադայա գվարդիա» շարժման ակտիվիստուհու վրա հարձակում գործելու մեջ, հաղորդում է Interfax–ը։

Ոստիկանությունը Ուդալցովին ձերբակալել է Ուլյանովսկում ՆԱՏՕ–ի տարանցիկ ռազմակայան կառուցելու դեմ կազմակերպված բողոքի ցույցից հետո, «Խորհրդային» կոչվող հյուրանոցում նախատեսված մամլո ասուլիսից առաջ։

Ոստիկանությունը հավաքվածներին հայտնել է, որ ընդդիմադիր գործիչը կասկածվում է «Մալադայի գվարդիա» շարժման ակտիվիստուհուն թեթև մարմնական վնասվածք պատճառելու մեջ։