Մադրիդում մարզչի աշխատանք ստացած սիրիացի փախստականն «Ալ-Քաիդայի» գրոհային է

Սիրիացի փախստականը, որը ենթարկվել է հունգարացի լրագրողի հարվածին, « Ալ-Քաիդայի » զինյալ է, հաղորդում է International Business Times-ը:

Ցնցող կադրերը տարածվել են ամբողջ աշխարհով: Հունգարացի օպերատոր Պետրա Լազլոն ոտք էր գցել սիրիացի փախստականին, երբ վերջինս փորձում էր փախչել ոստիկաններից Սերբիայի հետ սահմանի վրա՝ երեխային գրկի մեջ պահած: Լրագրողը շուտով հեռացվել է աշխատանքից, իսկ Մոսհենը ֆուտբոլային մարզչի աշխատանք ստացել:

Հետագայում, սակայն, «Ժողովրդավարական միություն» քրդական կուսակցության ներկայացուցիչները հրապարակել են պաշտոնական հայտարարություն, որում նշել են, որ սիրիացի փախստականը Սիրիայում «Ալ-Քաիդայի» թև համարվող «Ջեբհադ ան-Նուսրա» խմբավորման գրոհային է: Որպես ապացույց՝ նրանք բերել են սոցկայքերից մեկում Մոսհենի ջնջված էջից սքրինշոթերը, որտեղ նա գրել է, որ պատկանում է ահաբեկիչների խմբին:

Սիրիացիները Մոհսենին մեղադրում են նաև 2004 թ. Էլ-Քամիշլի քաղաքում անկարգությունները ճնշելու մեջ: Այդ ժամանակ 50 քուրդ է սպանվել: