Apple-ն սկսում է iPhone 6s-ի և iPhone 6s Plus-ի վաճառքները

Apple-ի հերթական նորույթները՝ iPhone 6s-ը և iPhone 6s Plus-ը, վաճառքի կհանվեն արդեն սեպտեմբերի 25-ին, սակայն առայժմ դրանք ձեռք բերել կարող են միայն ԱՄՆ-ի, Մեծ Բրիտանիայի, Ավստրալիայի, Կանադայի, Չինաստանի, Ֆրանսիայի, Գերմանիայի, Հոնկոնգի, Ճապոնիայի, Նոր Զելանդիայի, Պուերտո Ռիկոյի և Սինգապուրի բնակիչները:

Սմարթֆոնների վաճառքներն Apple-ի մանրածախ խանութներում կսկսվեն տեղական ժամանակով առավոտյան ժամը 8-ից: Նորույթները մատչելի կլինեն չորս գույներով. ոսկեգույնին, արծաթագույնին և «մոխրագույն տիեզերք» գույնին ավելացել է «վարդագույն ոսկի» պատյանը: iPhone 6s-ի արժեքն Ամերիկայում սկսվում է 649 դոլարից, iPhone 6s Plus-ինը՝ 749 դոլարից, հաղորդել է ՌԻԱ Նովոստին: