Կառավարությունը հաստատեց 2016 թվականի պետբյուջեի նախագիծը

Կառավարությունը հաստատեց 2016 թվականի պետական բյուջեի նախագիծը։ Ներկայացնելով հաջորդ տարվա պետբյուջեի մակրոտնտեսական կանխատեսումները՝ ՀՀ ֆինանսների նախարար Գագիկ Խաչատրյանը նշեց, որ ակնկալվում է, որ հաջորդ տարի ՀՆԱ-ի իրական աճը կկազմի 2.2 տոկոս, ՀՆԱ-ի դեֆլյատորի մեծությունը՝ 4, 12-ամսյա գնաճի թիրախը 4 պլյուս-մինուս 1 տոկոս, դեֆիցիտը՝ 3.5 տոկոս։

Պետբյուջեի ծախսային մասը նախատեսված է 1 տրլն 373 մլն դրամ (1,373,746,924.1 դրամ), եկամուտների ընդհանուր գումարը՝ 1 տրլն 183 մլրդ դրամ (1,183,003,998 դրամ), իսկ դեֆիցիտը՝ 190,7 մլրդ դրամ (190,742,926,000 դրամ):

Բյուջեի հարկային եկամուտները և պետական տուրքերը ծրագրվել են 1 տրլն 129 մլրդ դրամ: «Ծախսերի ծավալը ծրագրվել է շուրջ 1 տրլն 373 մլրդ-ի չափով։ 96 տոկոսը բաժին է ընկնում ընթացիկ ծախսերին։ 2016-ի բյուջեի ծախսային մասը 2015-ի պետական բյուջեի համեմատ ավելացել է շուրջ 68 մլրդ դրամով»,- ասաց Խաչատրյանը։

Պետական բյուջեի նախագիծը կներկայացվի Ազգային ժողով: