Ադրբեջանում աշխատավարձերն ուշացվում են. «Ազադլըգ»
Համաշխարհային Մամուլ
Նավթի համաշխարհային շուկաներում գնանկման հետևանքով Ադրբեջանում ստեղծված տնտեսական ճգնաժամի պատճառով աշխատավարձերի վճարումները սկսել են ուշացնել նաև խոշոր ընկերությունները:
Ինչպես հաղորդում է «Արմենպրես»-ը' վկայակոչելով «Ազադլըգ» թերթը, արդեն երկու ամիս է' աշխատավորներին չի կարողանում աշխատավարձ վճարել Ադրբեջանի ամենախոշոր ճանապարհաշինարարական «Ազերյոլսերվիս» ընկերությունը:
Աշխատողները թերթին հայտնել են, որ ղեկավարությունը չի բացատրում աշխատավարձի ճգնաժամի պատճառը: «Ոչինչ չեն ասում: Իսկ արդեն երկու ամիս է' աշխատավարձի ճգնաժամ է»,- ասել ենք նրանք:
Նրանց խոսքով' «Ազերյոլսերվիսի» վիճակը հատկապես լարված է շրջաններում:
«Ընկերությունը մշտապես ժամանակին վճարել է աշխատավարձերը: Սակայն, արդեն երկու ամիս է' մենք աշխատավարձ չենք ստանում», -նշել են ընկերության աշխատակիցները:
Ժամանակ առաջ «Ազերյոլսերվիս» ընկերությունում կրճատումներ են անցկացվել. վերացվել է կառույցին կից վարչությունների մեծ մասը: Արդյունքում մեծ թվով աշխատավորներ կրճատվել են:
Նավթի համաշխարհային գների և մանաթի փոխարժեքի անկման պատճառով Ադրբեջանի տնտեսությունը հայտնվել է ճգնաժամի մեջ. փակվել են նավթաարդյունաբերության մի շարք ձեռնարկություններ, պետական և մասնավոր հաստատություներ, հազարավոր աշխատավորներ գործազուրկ են դարձել:
Ադրբեջանի արտահանման 95 տոկոսը կազմում են գազը, նավթն ու նավթամթերքները, իսկ երկրի պետբյուջեն 75 տոկոսով ձևավորվում է էներգակիրների արտահանումից ստացվող եկամուտների հաշվին:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
