«Նաիրիտ»-ի մասնագետները մշակել են գործարանի վերագործարկման ծրագրեր
Տնտեսություն
«Նաիրիտ» գործարանի մասնագետները մշակել են արտադրության վերագործարկման մի քանի փուլ ներառող ծրագրեր' ներդրողներին ներկայացնելու համար: Հոկտեմբերի 21-ին լրագրողների հետ հանդիպմանն այս մասին հայտնեց «Նաիրիտ» գործարանի արհմիության նախագահ Հրաչ Թադևոսյանը:
Փուլային ծրագրերը, Թադևոսյանի հավաստմամբ, նախատեսում են որոշակի ժամկետներում աշխատեցնել գործարանը, ապահովել նվազագույն շահութաբերությունն ու հետո անցնել հաջորդ փուլերին, որոնք ավելի մեծ հզորություն ունեցող ծրագրեր են, իսկ հզոր ծրագրերն իրենց հերթին պահանջում են մեծ ներդրումներ:
«Ես կարծում եմ, որ դրանք իրատեսական ծրագրեր են, ու ներդրողը հենց սկզբից կանցկացնի իր աուդիտը, որպեսզի համոզվի, թե որ ճանապարհով են ուղղվում իր ներդրումներ»,- ընդգծեց նա' հավելելով, որ վերջին աուդիտում նշվում էր վերագործարկման 36 ամիս ժամկետ, սակայն, ըստ նրա, 18 ամսում, ներդրողի և 70-80 մլն դոլար ներդրումների առկայության դեպքում, հնարավոր է աուդիտ անցկացնել ու գործարանը վերագործարկել:
Համաշխարհային բանկն այս տարի իրականացրած ուսումնասիրությունների արդյունքների հիման վրա եզրակացրել է, որ գործարանի հետագա շահագործումը նպատակահարմար չէ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
