Սիրիայում Ռուսաստանն ու Իրանը տարբեր նպատակներ են հետապնդում. The Wall Street Journal

Ներկայումս Ռուսաստանն ու Իրանը միավորված են մեկ նպատակի շուրջ՝ պահպանել Սիրիայի նախագահ Բաշար Ասադի ռեժիմը, ինչպես նաև օգնել Դամասկոսին վերադարձնել տարածքները, որոնք գրավել է ընդդիմությունը: Սակայն, շարունակում է անհայտ է մնալ այն, թե արդյոք դա երկարաժամկետ համագործակցություն է, կամ արդյոք այն կշարունակվի միայն այնքան ժամանակ, քանի դեռ երկրները հետապնդում են ընդհանուր շահեր, գրում է The Wall Street Journal-ը:

Հոդվածի հեղինակը նշում է, որ երկրները ռազմական առումով հաջողությամբ լրացնում են միմյանց, և այդ դաշինքը լուրջ խնդիր է ԱՄՆ-ի և նրա դաշնակիցների համար: Սակայն Սիրիայի հարցում Իրանը և Ռուսաստանն ունեն տարբեր ռազմավարություններ, ինչն առաջիկա ամիսներին կարող են հանգեցնել լարվածության աճի:

Ռուսաստանի համար Սիրիայում ռազմական գործողությունը «բազմաբևեռ աշխարհ» ստեղծելու գլոբալ ծրագրի մասն է կազմում, որում Ռուսաստանը կդառնա առաջատար տերություններից մեկը: Աջակցելով Ասադին՝ Մոսկվան նաև ցույց է տալիս Արևմուտքին և Ռուսաստանի նախագահ Վլադիմիր Պուտինի հակառակորդներին, որ նա թույլ չի տա հակակառավարական հեղափոխություններ: Բացի այդ, Ռուսաստանը փորձում է ամրապնդել Սիրիայում իր ռազմածովային բազայի դիրքերը, որն ապահովում է մուտք դեպի Միջերկրական ծով:

Իրանի նպատակն է ամրապնդել շիաների իշխանությունը ողջ տարածաշրջանում, ընդգծում է պարբերականը:

Երկու երկրի առջև տարբեր նպատակներ են դրված, ինչը չի նպաստում դաշինքի ստեղծմանը»,- նշել է Լոնդոնի միջազգային հարաբերությունների Թագավորական ինստիտուտի փորձագետ Նիկոլայ Կոժանովը: