Գերմանացիների հակակրանքը փախստականների հանդեպ կվերածեն գումարի. լրատվամիջոցներ

Փախստականների հոսքից տառապող Գերմանիայում որոշել են համաքաղաքացիների հակակրանքը ներգաղթյալների հանդեպ վերածել գումարի, գրում է The Washington Post-ը:

«Ատելությունն օգնում է» հատուկ հիմնադրամը գումար է հատկացնում՝ 1 եվրո սոցկայքերում յուրաքանչյուր «ատելությամբ լի» մեկնաբանության համար։

Ցանկացած օգտատեր կարող է ուղարկել մեկնաբանության հղումը կամ ոչ քաղաքավարի արտահայտությամբ էջի լուսանկարը:

Այդպիսով՝ նախագծի կազմակերպիչները նշում են, որ «որքան շատ է ատելությունը՝ այնքան շատ է գումարը»: Ներկայումս հավաքվել է մոտ 1300 եվրո:

Facebook սոցկայքն աջակցել է նախագծին. այն թեև հրաժարվել էր հովանավորությունից, սակայն օգնել է կազմակերպիչներին գովազդի հարցում։