Թուրքիայի ոստիկանությունը ձերբակալել է Էրդողանի քաղաքականության 35 հակառակորդի. The Guardian

Թուրքիայի իրավապահները ձերբակալել են 35 մարդու՝ քարոզիչ Ֆեթուլլահ Գյուլենի կողմնակիցների դեմ ռեյդի շրջանակներում, ով քննադատում է նախագահ Ռեջեփ Թայիփ Էրդողանի քաղաքականությունը, գրում է The Guardian թերթը:

Ստուգումներն անցկացվել են երեքշաբթի օրը և ուղղված են եղել Գյուլենի աջակցող ոստիկաննների և պաշտոնյաների դեմ: Ինքը՝  Գյուլենն այժմ գտնվում է ԱՄՆ-ում, Թուրքիայի կողմից մեղավոր է ճանաչվել Էրդողանի կառավարությանը տապալելու փորձի համար: Նշվում է, որ ձերբակալությունները տեղի են ունեցել այն բանից հետո, երբ իշխող Արդարություն և զարգացում կուսակցությունը հաղթեց ընտրություններում:

Պարբերականը հաղորդում է, որ անցյալ շաբաթ մի ընկերության ռեյդերական գրավում է տեղի ունեցել, որը վերահսկում է մի շարք թուրքական ԶԼՄ-ների գործունեությունը: Էրդողանի կառավարությունը ենթադրում է, որ ընկերությունը կապեր ունի Գյուլենի հետ:

Չնայած այն հանգամանքին, որ թուրքական իշխանությունները ռեյդերի անցկացումը բացատրում են ֆինանսական հանցագործությունների հետաքննության անհրաժեշտությամբ, փորձագետները կարծում են, որ այն, ինչ տեղի է ունենում՝ Էրդողանի հակառակորդների դեմ պայքարի շրջանակներում խոշոր գործողության մի մասն է:

Ավելի վաղ հաղորդվում էր, որ Եվրոպան անհանգստացած է Թուրքիայում անցկացված արտահերթ խորհրդարանական ընտրություններում Արդարություն և զարգացում կուսակցության հաղթանակով, քանի որ այդ հաղթանակը կասկածի տակ է դնում երկրում մամուլի ազատությունը և մարդու իրավունքների պահպանումը: