Ռուսաստանում բողոքի ցույցերը կարող են վերսկսվել Պուտինի «խոստումները չիրագործվելու» դեպքում

Վարչապետ Վլադիմիր Պուտինի վերադարձը Ռուսաստանում բողոքի ցույցերի վերսկսման մեծ ռիսկ է պարունակում, որը սկիզբ էր առել անցյալ տարվա վերջին ընդդիմության կողմից, որոնք նորընտիր նախագահին մեղադրում էին երկրում քաղաքական գործընթացները ժողովրդավարական ճանապարհով տանելու խոստումները չկատարելու մեջ, գրում է Bloomberg-ը՝ վկայակոչելով մի շարք վերլուծաբանների տեսակետները։

«Այժմ ավելի մեծ վտանգ կա բողոքի ցույցերը վերսկսելու առումով՝ թե՛ Մոսկվայում, թե՛ դրա սահմաններից դուրս», – հեղինակավոր պարբերականին հայտնել է Verno Capital ներդրումային ընկերության թոփ մենեջեր Ռոլանդ Նաշը։

Դրա պատճառներից մեկը կարող է լինել նահանգապետերի ընտրության մասին օրենքի փոփոխությունը, որը կարող է լուրջ դժգոհություն առաջացնել քաղաքացիների շրջանում, թեև գործող նախագահ Դմիտրի Մեդվեդևի առաջարկով նահանգապետերն ընտրվելու են ուղղակի ընտրությունների միջոցով, մինչ այդ Կրեմլը շտապում է նշանակումներ կատարել, մինչ նոր օրենքը ուժի մեջ մտնելը։

Ըստ վերլուծաբանների, Կրեմլը շարունակելու է միջամտել նահանգապետերի ընտրություններին։ Պուտինը, ամենայն հավանականությամբ, վետո կկիրառելու իրավունք ունի մարզպետների թեկնածուների ընտրության հարցում։

«Մարզերում այլևս կայունություն չի լինի։ Այնտեղ նոր կյանք կսկսվի և այդ օրենքը կհանգեցնի բազմաթիվ հակամարտությունների», - ասել է Արդյունավետ քաղաքականության հիմնադրամի ղեկավար Գլեբ Պավլովսկին։

Քաղաքական և տնտեսական հարցերով վերլուծաբան Գլեբ Պավլովսկին ասել է, որ հասարակության շրջանում դժգոհությունը կարող է աճել նաև կոմունալ վարձավճարների հուլիսին նախատեսվելիք սակագների բարձարցման կամ առողջապահության և կրթության բնագավառում նախատեսվող վճարների թանկացման պատճառով։

Սակայն ներդրողներն ամենից շատ վախենում են Ռուսաստանում քաղաքական իրավիճակի անկայունացման հեռանկարից, որն էլ իր հերթին ճգանաժամային իրավիճակի կհանգեցնի ռուսական շուկայում։

Քաղաքական անկարգությունների վերսկսումը՝ հատկապես Մոսկվայում, «անպայման կհանգեցնի ռուսական շուկայի ռիսկերի վերանայման», - ասել է Ֆրանկֆուրտի Union Investment Privatfonds ընկերության Սերգեյ Դերգաչևը։

Դեկտեմբերի 4–ին կայացած Ռուսաստանի խորհրդարանական ընտրություններից հետո РТС ինդեքսը ավելի քան 13%-ով նվազել էր, իսկ ռուբլին շարունակում էր նվազել ընտրություններից հետո, հիշեցնում է Bloomberg-ը։