ԻՊ-ի հրապարակած А321-ում տեղադրված ռումբի լուսանկարը հնարավոր է ապատեղեկատվություն է. NYT

Սինայի թերակղզում ռուսական А321 ինքնաթիռի կործանման պատճառ դարձած ռումբի լուսանկարը, որ տարածվել էր երեկ համացանցում, հնարավոր է' ապատեղեկատվություն է: «Արմենպրես»-ի փոխանցմամբ' այդ մասին հայտնում է The New York Times-ը:

Թերթն ընդգծում է, որ լուսանկարը հրապարակվել է «Իսլամական պետություն» ահաբեկչական խմբավորման քարոզչական ամսագրում, սակայն չկան ապացույցներ, որ լուսանկարում պատկերված սարքն իրոք առնչություն ունի ողբերգության հետ: Լիովին հնարավոր է, որ հրապարակման նպատակն է տպավորություն թողնել խմբավորման անդամների և հնարավոր նորեկների մոտ, ինչպես նաև շեղել իրավապահ մարմինների աշխատակիցներին:

Պայթուցիկի փորձագետները, որոնց շրջանում հարցախույզ է իրականացրել թերթը, ընդգծել են, որ պատկերված սարքում չկա որևէ նորություն և որ այն կարող էր պատրաստվել յուրաքանչյուր փորձառու մասնագետի կողմից: Թերթի զրուցակիցների մեկի խոսքով' ահաբեկիչների կողմից իբր օգտագործված ալյումինե տարան կարող էր տեղավորել պայթուցիկի անհրաժեշտ քանակ, որպեսզի վնասեր ինքնաթիռը: Նման պայթյունն ամենայն հավանականությամբ միանգամից չէր ոչնչացնի ինքնաթիռը, կախված պայթյունի վայրից այն կարող էր բերել ողբերգական հետևանքների:

«Լիովին հնարավոր է, որ լուսանկարը ևս մեկ օրինակ է այն բանի, թե ինչպես է կարողանում «Իսլամական պետություն»-ը ուշադրություն գրավել, այլ բնավ խմբավորման իրական գործողությունների իրական ապացույց չէ»,- ընդգծել է The New York Times-ը: