Բնակելի տների գները չեն փոփոխվել

Այս տարվա հունվար-սեպտեմբերին 2014 թվականի նույն ժամանակահատվածի համեմատ հանրապետությունում արձանագրվել է անհատական բնակելի տների 3106 առուվաճառքի գործարք, այդ թվում՝ Երևան քաղաքում՝ 902, մարզերում՝ 2204: 2014 թվականի նույն ժամանակահատվածի համեմատ, անհատական բնակելի տների առուվաճառքի գործարքների քանակը նվազել է 18.2 %-ով, ընդ որում, Երևան քաղաքում' 10.8 %-ով, իսկ մարզերում ՝ 20.9 %-ով:

2015 թվականի հունվար-սեպտեմբերին, Երևան քաղաքի վարչական շրջաններում շինության 250.0 քառ. մ.-ի և տնամերձի 400.0 քառ. մ. միջին մակերեսներով անհատական բնակելի տների առուվաճառքների (պայմանագրային) գների և առաջարկվող գների վերլուծության արդյունքում ձևավորվել են շուկայական միջինացված գները և ( հաշվարկված շինության 1 քառ. մ մակերեսով (ներառյալ տնամերձի) միավորի միջին գինը կազմել է 286.7 հազար դրամ և նախորդ տարվա նույն ժամանակահատվածի համեմատ մնացել անփոփոխ։

Հանրապետության քաղաքներում, բացառությամբ Երևանը, 2015 թվականի հունվար- սեպտեմբերին անհատական բնակելի տների շինության 1 քառ. մ մակերեսի շուկայական միջին գները (ներառյալ տնամերձի միավորի գինը) 2014 թվականի նույնպես անփոփոխ են: