Փարիզի մահապարտը 2 օր փախստականի քողի տակ ապրել է թուրքական հյուրանոցում. ԶԼՄ-ներ

Փարիզում՝ «Stade de France» մարզադաշտի մոտ իրեն պայթեցրած մահապարտ Ահմադ ալ-Մոհամմադը երկու օր շարունակ ապրել է Թուրքիայի Իզմիր քաղաքի հյուրանոցներիից մեկում: Գրոհայինը բնակություն է հաստատել հյուրանոցում, որտեղ ժամանակավոր ապրում էին սիրիացի փախստականներ, հաղորդում է Haberturk հեռուստաալիքը՝ հղում անելով իրավապահ մարմիններում իր աղբյուրներին:

Ըստ ԶԼՄ-ների՝ Ահմադ ալ-Մոհամմադը ժամանել է Թուրքիայի քաղաք հոկտեմբերի 2-ին և բնակություն հաստատել «Սուլթան» հյուրանոցում: Երկու օր անց նա դուրս է գրվել է այնտեղից: Այնուհետև, ծայրահեղականը Հունաստան է ուղևորվել ծովով: Այնտեղից Հունգարիայով, Խորվաթիայով, Ավստրիայով և Գերմանիայով նա հասել է Ֆրանսիա: