Անհայտ անձինք Մոսկվայում թալանել են չորս գործարարների

Մոսկվայի հարավարևելյան շրջանում այս գիշեր հարձակման են ենթարկվել չորս գործարարներ, հաղորդում է Ռիա նովոստին՝ վկայակոչելով Մոսկվայի ոստիկանության ներկայացուցչին։

Գործարարները մեքենայով անցնելիս են եղել Վոլգայի բուլվարով, որտեղ անհայտ անձինք մեքենայով կտրել են նրանց ճանապարհը և կրակ բաց արել մեքենայի ուղղությամբ։ Հարձակվողները մի քանի անգամ կրակել են գործարարների ուղղությամբ, գողացել փողի պայուսակը և անհետացել։ 

Գողացված գումարը կազմել է մոտ 300 հազար ռուբլի։ Գործարարներից երկուսը հրազենային վնասվածքով տեղափոխվել են հիվանդանոց։