Ռուսաստանի դեմ պատժամիջոցները խանգարում են ահաբեկչության դեմ պայքարին. Huffington Post

Հակառուսական պատժամիջոցները, ամենայն հավանականությամբ, կընդլայնվեն ևս կես տարով: Նման հայտարարությամբ հանդես է եկել եվրոպական դիվանագիտության ղեկավար Ֆեդերիկա Մոգերինին: Այդ որոշումը քննադատության բուռն ալիք է բարձրացրել համաշխարհային մամուլում:

Huffington Post-ի լրագրողները համոզված են, որ Ռուսաստանի դեմ սահմանափակումները ոչ մի լավ բանի չեն հանգեցնի, այլ ընդհակառակը՝ միայն կխանգարեն ահաբեկչության դեմ պայքարին:

Եվրոպան չի կարողանա խաղալ երկու ճակատներում՝ կողք կողքի պայքարել մեր երկրի հետ Սիրիայում և զուգահեռ շարունակել ճնշում գործադրել պատժամիջոցներով: Այդ դիրքորոշումը կիսում են իտալացի լրագրողները: il Giornale պարբերականը գրում է, որ եթե Արևմուտքը թշնամի է համարում Ռուսաստանին, ապա դրանով օգնում է ԻԼԻՊ-ին: Իսկ Մերձավոր Արևելքում տիրող ճգնաժամի արմատները եվրոպացի և ամերիկացի քաղաքական գործիչները պետք է փնտրեն Մոսկվայի հանդեպ թշնամական վերաբերմունքի մեջ: