ԱՄՆ-ն կրճատել է Սիրիայում թռիչքները՝ ռուսական «Բուկ» զենիթա-հրթիռային համալիրներից վախենալու պատճառով. Bloomberg

Միացյալ Նահանգները դադարեցրել են Սիրիայի հյուսիսում թռիչքները՝ ռուսական «Բուկ» զենիթա-հրթիռային համալիրներից վախենալու պատճառով: Ինչպես հաղորդում է Bloomberg պարբերականը, Օբամայի վարչակազմը չգիտի, թե ինչպես պետք է արձագանքել SA-17-ի տեղակայման վրա: Մինչդեռ ամերիկյան կողմի մտավախությունն այդքան էլ պարզ չէ:

Ռազմական փորձագետները պարբերականին տված հարցազրույցում հայտարարել են, որ ռուսական ՀՕՊ համակարգերի տեղակայումը, իբր, «բարդացնում է ԴԱԻՇ-ի դեմ կոալիցիայի պայքարը»: Բացի այդ, նրանցից ոմանք դա սադրանք են համարում Ռուսաստանի կողմից:

Վաշինգտոնում պարբերականի աղբյուրը նշել է, որ նրանք արդեն միջոցներ են փնտրում՝  SA-17-ի տեղակայմանը պատասխանելու և թռիչքները վերականգնելու համար: Իսկ այժմ ԱՄՆ-ն այլ ընտրություն չունի, քան գնալ Ռուսաստանի զիջումներին: