Օբամայի քաղաքականությունը հանգեցրել է Սիրիայի նկատմամբ վերահսկողության վերջնական կորստի. The Washington Post
Համաշխարհային Մամուլ
ԱՄՆ նախագահ Բարաք Օբամայի անգործությունը Մերձավոր Արևելքում չի օգնում փրկել Սիրիայի քաղաքացիների կյանքը, այլ միայն հանգեցնում է նույնիսկ ավելի շատ մահերի, գրում է The Washington Post-ը:
Լրագրողների հետ հանդիպման ընթացքում ԱՄՆ-ի առաջնորդը նշել է, որ Սիրիա ցամաքային զորքեր չուղարկելու իր որոշման շնորհիվ՝ Միացյալ Նահանգներն ամսական կտրվածքով օգնում են փրկել մոտ 100 մարդու կյանք: Այնուամենայնիվ, Օբաման բաց է թողնում այն փաստը, որ գրեթե ոչ ոք չի էլ առաջարկել զորքեր մտցնել Սիրիա: Քաղաքական գործիչների մեծամասնությունն առաջարկել է անվտանգ գոտի ստեղծել: Հոդվածի հեղինակի կարծիքով՝ եթե դա իրականացվեր վաղ փուլերում, Օբաման ոչ միայն կօգներ խուսափել 300 հազար սիրիացիների վախճանից, այլև կկանխեր լայնամասշտաբ միգրացիոն ճգնաժամը, որն «արթնացել է եվրոպական ֆաշիզմն՝ ինչպես քնած շանը»:
Նշվում է, որ նախագահը չպետք է հպարտանա քաղաքականությամբ, որը թույլ է տվել Սիրիայում տիրող իրավիճակին վերջնականապես դուրս գալ վերահսկողությունից:
Ըստ պարբերականի՝ շատ մարդիկ են զոհվել, քանի որ ԱՄՆ-ն ռիսկի չի դիմել, իսկ Օբամայի ամենամեծ սխալն այն չէր, որ նա չի կարողացել լուծել Մերձավոր Արևելքում հակամարտությունը, այլ այն, որ ինքը նույնիսկ չի էլ փորձել:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
