Մերկելի հեռանալը կարող է ապակայունացնել Եվրոպան. Business Insider

Անցյալ տարի բոլորն անհանգստանում Էին եվրոգոտուց Հունաստանի դուրս գալու համար, վերջերս ոմանք սկսել են խոսել նաեւ Եվրամիությունից Մեծ Բրիտանիայի դուրս գալու մասին, բայց այժմ հորիզոնում մի նոր լուրջ վտանգ Է հայտնվել. Գերմանիայի կանցլեր Անգելա Մերկելի «դուրս գալը»: Այդ մասին, ինչպես տեղեկացնում Է «Արմենպրես»-ը, գրել Է Business Insider-ը:

«Իշխանության ղեկի մոտ անցկացրած տասնամյակի ընթացքում առաջին անգամ հարցականի տակ Է Գերմանիայի կանցլեր Անգելա Մերկելի ապագան: Մինչեւ ընտրությունները, որոնք պետք Է կայանան 2017 թվականին, Մերկելի «դուրս գալու» սպառնալիքը մենք ընկալում ենք որպես ամենաապակայունացնող քաղաքական ռիսկերից մեկը Եվրամիության համար, որը, հավանաբար, կազդի նաեւ շուկաների վրա»,- մեջբերում Է անում հրատարակությունը Citi Research-ի (Citigroup) քաղաքակնության գծով գլխավոր գլոբալ ստրատեգ Թինա Ֆորդհեմի խոսքից:

Թերեւս, Անգելա Մերկելն ամենաուժեղ եվրոպական ղեկավարն Է տնտեսական ճգնաժամի սկսվելուց ի վեր, սակայն 2015 թվականին Մերձավոր Արեւելքից փախստականներ ընդունելու նրա որոշումը խիստ անընդունելի դարձավ ինչպես Գերմանիայում, այնպես Էլ մնացած ամբողջ Եվրոպայում:

Նոյեմբերին կանցլերի վարկանիշերը կտրուկ իջան մինչեւ 49 տոկոս անցյալ տարվա օգոստոսի 67 տոկոսի համեմատությամբ: Մերկելի քաղաքական դիրքերին Էլ ավելի մեծ քաղաքական հարված հասցրեցին ամանորյա գիշերը Քյոլնում կանանց վրա հարձակումները, որոնք, ենթադրաբար կատարել են միգրանտները: Դա Էլ ավելի ուժեղացրեց դժգոհությունը կանցլերի միգրացիոն քաղաքականությունից:

«Կարո՞ղ Է արդյոք գաղթականների ճգնաժամը ոչնչացնել եվրոպացի քաղաքական գործչին, որը բոլորից շատ ջանքերն Է գործադրել դրա լուծման համար»,- հարց Է տալիս Թինա Ֆորդհեմը, հաղորդել Է ՌԻԱ Նովոստին: