Կանադայի դպրոցում հրաձգության զոհերի թիվը հասել է 5-ի. ԶԼՄ-ներ

Հինգ մարդ է զոհվել, ևս երկուսի վիճակը կրիտիկական է՝ Կանադայի Սասկաչևան նահանգում գտնվող դպրոցում հրաձգության հետևանքով: Այս մասին հաղորդում է Reuters գործակալությունը՝ վկայակոչելով երկրի վարչապետ Ջասթին Թրյուդոին: Միևնույն ժամանակ, ոստիկանությունից ավելի ուշ հայտարարել են, որ զոհվել է չորս մարդ: Պարզվել է, որ նրանցից մեկը Մարի անունով 23-ամյա ուսուցչուհիn է: Տեղական լրատվամիջոցները հաղորդում են, որ դպրոց գնալուց առաջ, հրաձիգը տանը սպանել է իր երկու եղբայրներին:

Իրավապահներն այժմ աշխատում են երկու վայրերում՝ դպրոցում և բնակելի տարածքում, որտեղ կրակոց է հնչել՝ դպրոցում տեղի ունեցած ողբերգությունից քիչ առաջ: Ոստիկանները հաստատել են, որ միջադեպից հետո մի քանի մարդ է ձերբակալվել, նրանց ինքնությունը պարզվում է:

Հիշեցնենք՝ Կանադայի հյուսիսային Սասկաչևան նահանգում գտնվող Լա Լյոշ քաղաքի դպրոցում դպրոցականը կրակ է բացել: Այժմ երիտասարդը ձերբակալված է: