Ենթասպա Ալիևը սպանել է մայոր Հասանովին

Ռուսաստանի Դաշնության Կոմի Հանրապետությունում Միկուն քաղաքի թիվ 31 գաղութում հայրենակցին սպանելու կասկածանքով ադրբեջանցի է ձերբակալվել:

Ինչպես հաղորդում է «Արմենպրես»-ը' վկայակոչելով ռուսաստանյան ԶԼՄ-ները, նախնական վարկածով, ավագ ենթասպա Ալիեւը գաղութի դարպասների մոտ սպասել է ավտոմեքենային, որը պետք է հիվանդանոց տեղափոխեր դատապարտվածներից մեկին: Այդ ժամանակ իր ավտոմեքենայով գաղութի դարպասին մոտեցել է մայոր Հասանովը: Տեսնելով նրան՝ Ալիեւը ավտոմատը ձեռքին վազել է նրա ավտոմեքենայի մոտ եւ դիմահար գնդակահարել հայրենակից գործընկերոջը' ստուգիչ կրակոց արձակելով նրա գլխին:

Սպանության համար առիթ կարող էր հանդիսանալ այն, որ Ալիեւը երկար ժամանակ չէր կարողանում ստանալ բնակարան ձեռք բերելու համար իրեն հասանելիք միանվագ վճարը' ինչին, ենթադրաբար, խոչընդոտում էր Հասանովը:

Տուժողն ու մարդասպանը ծագումով ադրբեջանցիներ են:

Փաստի առնչությամբ հետաքննություն է անցկացվում: