Պուտինը հանձնարարել է թույլ չտալ Զիկա վիրուսի տարածումը ՌԴ-ում
Ռուսաստան
Ռուսաստանի նախագահ Վլադիմիր Պուտինն առողջապահության նախարար Վերոնիկա Սկվորցովային հանձնարարել Է թույլ չտալ Զիկա վիրուսի տարածումը Ռուսաստանի տարածքում, տեղեկացնում Է «Արմենպրես»-ը՝ հղում անելով ՏԱՍՍ-ին:
«Ինչ-որ զզվելի բան Էլ Է տարածվում Լատինական Ամերիկայից, նույնպես ինչ-որ վիրուս: Մոծակներն են այն տարածում, դրանք, անշուշտ, օվկիանոսի վրայով չեն թռչի գա, բայց ախտահարված մարդիկ կարող են թռչել եւ թռչում-ժամանում են»,- ասել Է պետության ղեկավարը կառավարության անդամների հետ կայացած խորհրդակցության ժամանակ:
Պուտինը նշել Է, որ նոր վիրուսը հայտնվել Է Եվրոպայում: Ուստի պետության ղեկավարը պահանջել Է՝ «ուշադրություն դարձնել դրա վրա, որովհետեւ վիրուսն ախտահարում Է հղի կանանց, կարող Է ծանր հետեւանքներ ունենալ երեխաների համար»:
«Անհրաժեշտ Է ուշադրությամբ վերաբերվել դրան, դուք տրանսպորտային ընկերությունների, ավիացիոն ընկերությունների հետ աշխատանքի լավ փորձ ունենք, հարկավոր Է հասկանալ, թե ինչ ախտանշաններ կան, եւ օպերատիվ կերպով արձագանքել»,- պահանջել Է նախագահը: Նա հավելել Է, որ «իհարկե, անհրաժեշտ Է (հակավիրուսային) պատրաստուկների վրա աշխատել»:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
