Թայվանում երկրաշարժի զոհերի թիվը հասել է չորսի. ԶԼՄ-ներ

Թայվանում շարունակվում է որոնողափրկարարական գործողությունը՝ հզոր երկրաշարժից հետո, որը մի քանի բնակելի բարձրահարկ շենք է ոչնչացրել: Վերջին տվյալների համաձայն՝ որոնք մեջբերում են տեղական ԶԼՄ-ները, փրկարարները բեկորների տակից դուրս են բերել չորս մարմին:

Հիշեցնենք, որ 6.4 մագնիտուդով ստորգետնյա ցնցումները (այլ տվյալներով՝ 6.7) կղզու հարավարևելյան մասում արձանագրվել են փետրվարի 6-ին: Երկրաշարժի էպիկենտրոնը, փորձագետների խոսքով՝  գտնվել է  տասը կիլոմետր խորության վրա:

Երկրաշարժի հետևանքով հարյուրավոր մարդիկ մնացել են փլատակների տակ:

«Կիոդո» գործակալության տվյալներով՝ փրկարարները հայտնաբերել են հինգերորդ զոհի մարմինը: