Օբամայի խայտառակությունը և Պուտինի հաղթանակը Սիրիայում. The New York Times

«Ռուսական ռազմական գործողությունը փոխել է հակամարտության ընթացքը, որը մի քանի տարի շարունակ, ըստ էության, եղել է փակուղու մեջ»,- գրում է «The New York Times»-ը: Ամերիկյան պարբերականը նշում է, որ ՌԴ ռազմատիեզերական ուժերի գործողությունն անսպասելիորեն արդյունավետ է դարձել և Սիրիայի նախագահ Բաշար Ասադին կարող է թույլ տա վերականգնել վերահսկողությունը երկրի կարևորագույն քաղաքներում: «Հանկարծակիորեն նախաձեռնությունն Ասադի և նրա դաշնակիցների կողմն է անցել, իսկ ԱՄՆ-ի աջակցությունը վայելող ապստամբները փախչում են»,- նշում է թերթը:

Ըստ ամերիկյան պարբերականի՝ ԱՄՆ պետքարտուղար Ջոն Քերին Սիրիայի հարցով միջազգային խորհրդակցություններում «ազդեցության շատ թույլ լծակներ կունենա»: Իր աղբյուրներին հղումով՝ «The New York Times»-ը գրում է, որ «Ռուսաստանը կտրել է բազմաթիվ ուղիներ, որոնք ԿՀՎ-ն օգտագործել է՝ փորձելով զինել ապստամբներին, տվյալ փորձերն արդեն մեծ գաղտնիք չեն»:

The New York Times-ի կարծիքով՝ Ռուսաստանի նախագահ Վլադիմիր Պուտինն արդեն հաղթանակ է տարել Սիրիայում՝ ԱՄՆ նախագահ Բարաք Օբամայի վարչակազմի «անօգնականության և աննպատակայնության» շնորհիվ, որը Սիրիան վերածել է «Ամերիկյան համոզմունքների արյունոտ գերեզմանատան»: Թերթը գրում է, որ Սիրիան դարձել է ամերիկացի նախագահի աշխատակազմի «խայտառակությունը»: Դա «այնպիսի մասշտաբների ձախողում է, որ այն փարատել է ներքին քաղաքականության մեջ նախագահի բոլոր ձեռքբերումները»: