«Դու չե՞ս սիրում հայերին, ուրեմն ես գնում եմ, հաջողություն». Շառլ Ազնավուրի հարցազրույցը՝ CNN-ին (տեսանյութ)

Համաշխարհային Մամուլ 15 Փետրվար, 2016 15:12

Երգող լեգենդ Շառլ Ազնավուրը CNN հեռուստաալիքին տված հարցազրույցում է խոսել է իր կրքերի մասին, որոնք շատ ավելի հեռուն են տանում, քան երաժշտությունը:

- CNN-ի լրագրողը փորձել է հասկանալ, թե ո՞րն է երգչի հաջողության գաղտնիքը՝ հաշվի առնելով, որ նրա ստեղծագործական գործունեության ամենավաղ շրջանում քննադատներն ասում էին, թե նա «չափազանց տգեղ է և կարճահասակ ու ունի ահավոր ձայն»:

- «Ի դժբախտություն այդ քննադատների, ովքեր դա ասել են՝ ես հաջողություն ունեցա: Ես ամեն գիշեր մեկ ժամ գիրք եմ կարդում և ևս մեկ ժամ տարբեր լեզուներով նոր բան եմ սովորում՝ նախքան քնելը»,- հայտնել է Ազնավուրը:

- Ի՞նչ է հայ լինելը նշանակում Շառլ Ազնավուրի համար:

- «Ինձ համար պակաս կարևոր չէ ֆրանսիացի լինելը, սակայն ես ծագումով հայ եմ: Ես չեմ պատրաստվում ժխտել դա: Սարսափելի է, երբ մարդիկ թաքցնում են ինչ-որ բան՝ վախենալով ընդունված չլինելուց: Դու չե՞ս սիրում հայերին, ուրեմն ես գնում եմ, հաջողություն»,- նշել է Ազնավուրը:

- Լրագրողը հիշեցրել է, որ աշխարհահռչակ երաժիշտը 2015 թվականի ապրիլի 24-ին այցելել էր Հայաստան՝ մասնակցելու Ցեղասպանության 100-րդ տարելիցի միջոցառումներին: Խոսելով Հայոց ցեղասպանության ճանաչման մասին՝ նա ասել է.

- «Ֆրանսիացիները, գերմանացիները ճանաչել են իրենց սխալները, ինչո՞ւ թուրքերը չեն ճանաչում կատարվածը: Ո՞րն էր հայերին սպանելու պատճառը: Կրո՞նը... չեմ կարծում: Ես կարդացել եմ Ղուրանը՝ հասկանալու, թե արդյոք կա դրանում որևէ բան, սակայն չկար, հետևաբար կրոնը պատճառ լինել չէր կարող»,- ասել է Ազնավուրը:

Charles Aznavour sits down with Becky Anderson
He inspired the likes of Elvis Costello and Frank Sinatra. Singing legend Charles Aznavour spoke to Becky about his passions, which go far beyond the musical.
Posted by CNN Connect the World on Sunday, 14 February 2016