Ի՞նչ են առաջարկել Էրդողանին, ի՞նչու է նա դավաճանել Ռուսաստանին. ИА REGNUM

Ի՞նչու է Անկարան կրկին մեղադրել ռուսական ռազմատիեզերական ուժերին իր օդային տարածքը խախտելու մեջ: Գուցե նման էքստրավագանտ ձևով Մոսկվայի հետ երկխոսություն հաստատելու և Ռուսաստանի հետ հարաբերությունները կարգավորելո՞ւ համար: Կամ մի՞գուցե Թուրքիայի նախագահը ցանկանում է ձևացնել, որ Թուրքիայի ձայնով ՆԱՏՕ-ն է խոսում:

Փորձագիտների կարծիքները, թե ինչ պետք է ձեռնարկի թուրք առաջնորդը՝ Մոսկվայի հետ հարաբերությունները կարգավորելու համար, վերլուծել է ИА REGNUM-ի խմբագիր Ստանիսլավ Տարասովը:

Իր իշխանական ձգտումներն Էրդողանը կարող է իրականացնել միայն համապատասխան իրավասություններ ստանալու դեպքում: Դրանք ստանալու համար՝ նրան անհրաժեշտ է փոխել սահմանադրությունը՝ Թուրքիան նախագահական հանրապետություն դարձնել: Խորհրդարանի միջոցով փոխություններ կատարելու համար՝ նա չունի բավարար ձայներ: Իսկ այդ հարցը համաժողովրդական հանրաքվեին ներկայացնելու համար՝ վստահ չլինելով իր հաղթանակի մեջ, նա նույնպես չի համարձակվում:

Մոսկվայի հետ վիճաբանելով՝ Թուրքիան կորցրել է տարածաշրջանում հզոր տնտեսական ու քաղաքական գործընկերոջը: Ձախողված համատեղ տնտեսական նախագծերն անխուսափելիորեն կհանգեցնեն երկրում լարվածության աճի, իսկ որպես հետևանք` իշխող կուսակցության և նրա առաջնորդի ժողովրդականության կորստի: Իսկ նրանց հետ միասին, նաև նախատեսված քաղաքական վերափոխումների հաջող արդյունքի հնարավորությանը:

Այսպիսով, հանուն ինչի՞ են Թուրքիայի ռազմաօդային ուժերը խոցել ռուսական ռմբակոծիչը: Գուցե այն պատճառով, որ կա ռուս-թուրքական հարաբերությունների սրման մեջ շահագրգիռ կո՞ղմ, որը թուրքական վերնախավին առաջարկել է ավելի արժեքավոր մի բան, քան ռուսական գազն ու ռուս զբոսաշրջիկները: Հետաքրքիր կլիներ հասկանալ, թե դա ինչ է: