Թուրքիայի ադեկվատությունը կասկածի տակ է. Frankfurter Rundschau

Թուրքիան գնալով ավելի է կենտրոնանում քրդական սպառնալիքի վրա, և այժմ նրան ադեկվատ դաշնակից չի կարող համարել նույնիսկ ԱՄՆ-ն, գրում է Frankfurter Rundschau-ն:

Վերջին ռմբակոծության ընթացքում Անկարան ոչնչացրել է թուրքական սահմանից ընդամենը ութ կիլոմետր հեռավորության վրա գտնվող Սիրիայի Ազազա քաղաքի մոտակայքում Քրդական ժողովրդական պաշտպանության մի քանի հենակետ: ԱՄՆ-ն կրկին պահանջել է, որպեսզի Թուրքիան դադարեցնի հարձակումները նրա դաշնակիցների վրա, սակայն սիրիական բանակի հաջողությունների ֆոնի վրա և Հալեպի ուղղությամբ առաջխաղացման, ինչպես նաև ՌԴ-ի ակտիվ դերի՝ նախագահ Ռեջեփ Թայիփ Էրդողանի վախերն աճում են նոր ուժով և ռմբակոծություններն ավելի ու ավելի կատաղի են դառնում, ընդգծում է հոդվածի հեղինակը:

Անկարայի կասկածելի քաղաքականությունն առաջացնում է Վաշինգտոնում իր դաշնակիցների հետ Թուրքիայի դիրքորոշումների էլ ավելի մեծ տարաձայնություն: Քրդերի դեմ պայքարին ուղղված Էրդողանի մոլուցքը ցույց է տալիս, որ ընթացիկ հակամարտությունում Թուրքիան միայն իր սեփական նպատակներն ու շահերն է հետապնդում, հետևաբար, դա նշանակում է, որ Սպիտակ տունը չի կարող այլևս ապավինել Անկարային՝ որպես հուսալի գործընկերոջ: Ու թեև ԱՄՆ-ն անտեսել է քրդերի ու թուրքերի միջև ֆորմալ ընտրություն կատարելու պահանջը, Վաշինգտոնը, փաստորեն, կողմ է քրդերի աջակցմանը, եզրափակում է պարբերականը: