Ռուսաստանի և Ուկրաինայի միջև բաց հակամարտության վտանգը. Infobae

Արգենտինայում Ուկրաինայի դեսպան Յուրի Դյուդինը վերլուծում է երկու տարի տևող հակամարտությունից հետո՝ երկու երկրի միջև հարաբերություններում ստեղծված բարդ իրավիճակը: Նա մտորում է Ռուսաստանի կողմից Մինսկի համաձայնագրերի խախտումների, և այն մասին, թե ինչ փոփոխություններ տեղի կունենան այն դեպքում, եթե ԱՄՆ-ում իշխանության գա Դոնալդ Թրամփը:

Ռուսաստանի և Ուկրաինայի միջև զինված հակամարտության սկզբից երկու տարի անց՝ պայքարը շարունակվում է երկու երկրի միջև սահմանամերձ գոտում: Եվ մինչդեռ միջազգային հանրության ջանքերն ուղղված են Սիրիայում պատերազմին, ԻՊ-ի զինյալների զսպմանը և ներգաղթյալների աճող հոսքի վերահսկմանը, Վլադիմիր Պուտինի կառավարությունը շարունակում է Ուկրաինայի ներքին գործերին միջամտության քաղաքականությունը՝ դրանով իսկ խախտելով Մինսկի պայմանավորվածությունները:

Չնայած նրան, որ հակամարտությունը ներկայումս շիկացած փուլում չէ, իսկ մահացածների թիվը նվազել է՝ համեմատած անցյալ ամիսների հետ, դեռևս «առկա է Ռուսաստանի և Ուկրաինայի միջև պատերազմի վտանգը», Infobae-ի հետ զրույցում նշել է Արգենտինայում Ուկրաինայի դեսպան Յուրի Դյուդինը:

«Նրանք պարբերաբար զորավարժություններ են անցկացնել: Դա վկայում է պատերազմի նախապատրաստման մասին, և դրան ոչ պակաս միջոցներ են տրամադրվում»,- ասել է դեսպանը՝ հավելելով, որ ռուսները «զգալիորեն ընդլայնել են թերակղզում ռազմական ներկայությունը»: