«Գրողը տանի, «Սառը պատերազմի» կարիքն ունեմ». Sueddeutsche Zeitung

Ռուսաստանի վարչապետ Դմիտրի Մեդվեդևն Արևմուտքի հետ հակամարտության համատեքստում հին շտամպերով է խոսել: Սակայն, արդյոք նա հասկանո՞ւմ է, թե իրականում ինչ է խոսում: Այս մասին Sueddeutsche Zeitung-ում գրում է Յենս Բիսկին:

«Գլորվել ենք դեպի նոր «Սառը պատերազմի» ժամանակաշրջան»,- ասել է ՌԴ վարչապետ Դմիտրի Մեդվեդևն անցյալ շաբաթվա վերջին Մյունխենում: Գերմանիայի կառավարությունը հրաժարվում է համաձայնել պատմական նմանությունների հետ, սակայն Bild թերթն արդեն գիտի, թե ինչու Ռուսաստանը կպարտվի դրանում՝ նոր «Սառը պատերազմում»: 

Սակայն Մեդվեդևը՝ ներկայիս իրավիճակին իր սահմանումը տալով՝ դրա մասին, հավանաբար, չի մտածել: Ի դեպ, նրա սահմանումը, իհարկե, Ռուսաստանին գերտերության որակներ է տալիս: Նոր «Սառը պատերազմը»՝ կարծես թե Արևմուտքի և Ռուսաստանի միջև մրցակցության ակնարկ է՝ այն մրցակցության ակնարկը, որը մի անգամ արդեն հաջողվել է հաղթահարել: 

Եթե գործն իսկապես հասնի նոր «Սառը պատերազմի», ապա դա կլինի քարոզչության տեխնիկայի և հատուկ ծառայությունների պատերազմ, մինչդեռ «հին ու բարի» «Սառը պատերազմը» փիլիսոփաների, արվեստագետների ու մտավորականների պատերազմ էր: Եվ ընդհանրապես, արդյոք իմաստ ունի՞ խոսել նոր «Սառը պատերազմի» մասին, երբ ակնհայտ է, որ ո՛չ Ռուսաստանը, ո՛չ էլ Արևմուտքը չեն կարող հասնել խաղաղության և կարգուկանոնի: Եվ ո՛չ առանձին, ո՛չ էլ միասին: