Ռուսաստանն ու Թուրքիան՝ պատերազմի շեմին. Le Figaro

Թուրքիայի և Ռուսաստանի միջև հարաբերությունները կրկին սրվում են: Երեքշաբթի առավոտյան Թուրքիայի վարչապետ Ահմեթ Դավութօղլուն կտրուկ քննադատության է ենթարկել Ռուսաստանի ավիահարվածները և Դամասկոսի աջակցումը: Այս մասին գրում է Le Figaro-ն:

«Սեպտեմբերից սկսած այդ օդանավերը բարբարոսաբար, փոքրոգի և անմարդկայնորեն ռմբակոծում են Սիրիան՝ տարբերություն չտեսնելով խաղաղ բնակչության, երեխաների և զինվորականների միջև», - հայտարարել է նա:

Թուրք քաղաքական վերլուծաբան Ահմեդ Ինսելը ուշադիր հետևում է տարածաշրջանում աշխարհաքաղաքական իրավիճակի զարգացումներին, և գտնում է, որ «էսկալացիան արդեն սկսվել է»:

-Վարչապետ Ահմեթ Դավութօղլուն դատապարտել է Սիրիայում ռուսական հարվածները: Ո՞րն է Թուրքիայի գլոբալ դիրքորոշումը պատերազմից տուժած այդ երկրի իրադրության շուրջ:

Երեքշաբթի առավոտյան Թուրքիան կտրուկ քննադատել է Մոսկվայի ռազմավարությունը: Միայն թե թուրքերն իրենք արդեն երեք օր է, ինչ գնդակոծում են քրդերի դիրքերը: Այսօր առավոտյան հարվածները ուղղված էին քրդական «Ժողովրդավարական միության» զորքերին: Այդ իսկ պատճառով, երբ Ահմեթ Դավութօղլուն քննադատում է ռմբակոծությունները, այստեղ կա որոշակի կեղծավորություն, քանի որ թուրքերը նույն կերպ են վարվում քրդերի հետ: Թեև, իհարկե, թուրքական բանակի հարվածները քիչ ճշգրիտ են և քիչ կորուստների են հանգեցնում: Այստեղ ավելի շատ է աղմուկը, քան արդյունքները:

Ինչ վերաբերում է ԻՊ-ի դեմ պայքարի միջազգային կոալիցիային, Թուրքիան ավիաբազա է տրամադրել Սիրիայում հարվածների մասնակից երկրներին: Այն աջակցում է ռմբակոծությունները՝ առանց դրանց մեջ մասնակցելու: Եվ ոչ առանց պատճառի. նրա ինքնաթիռները չեն կարող ընկնել Սիրիայի օդային տարածք՝  ռուսական սպառնալիքի պատճառով: Այն բանից հետո, երբ Անկարան խոցել է ռուսական ինքնաթիռը, Մոսկվան սահմանի մոտ հրթիռային համակարգեր է տեղակայել:

-Ինչի՞ն է ձգտում հասնել Ռուսաստանը:

Մոսկվան ակնհայտորեն փորձում է Սիրիայի ամբողջ հյուսիսը ազատել ապստամբների ներկայությունից: Դա ենթադրում է հարվածներ հիվանդանոցներին, ինչպես երեկ Մարատ ան-Նումանում, դպրոցների, հասարակական վայրերի վրա: Ռուսաստանը ցանկանում տարածաշրջանն անպիպիտան դարձնել ապստամբների համար: Սիրիական բանակը նույնես գնդակոծում է իրականացնում ու հավատարիմ է համանման ռազմավարությանը. խոսքը գնում է տարածաշրջանը ապստամբներից մաքրելու, այնտեղ ոչ մեկին չպատկանող տարածք ստեղծելու մասին, այնուհետև թույլ տալ քրդերին վերցնել այն վերահսկողության տակ: Այդ հեռանկարը հավասարակշռությունից հանում է Թուրքիային:

- Ամեն ինչ է տանում է Ռուսաստանի և Թուրքիայի միջև լարվածությա՞ն:

Էսկալացիան արդեն իսկ ընթացքի մեջ է: Շատ ավելի կոշտ բառեր են հնչում: Դավութօղլուն խիստ քննադատության է ենթարկել Ռուսաստանին, վերջինիս մեղադրելով պատերազմական հանցագործությունների մեջ: Մոսկվան և Դամասկոսը, իրենց հերթին, ՄԱԿ-ին բողոքեն ներկայացրել Թուրքիայի դեմ՝ քրդական գոտիների գնդակոծումից հետո: Նման հանգամանքներում չի կարելի 100% -ով բացառել պատերազմի հեռանկարը: Եթե Թուրքիան ՆԱՏՕ-ի անդամ չլիներ, Ռուսաստանի հետ ուղղակի առճակատումը կարող էր արդեն սկսել: Կողմերը մոտ են հակամարտության, և այն կարող է բռնկվել ինչ-որ անկառավարելի միջադեպի պատճառով: