Samsung-ի խելացի ժամացույցները կհանդերձվեն էլեկտրոնային սիմ-քարտով
Տնտեսություն
Samsung ընկերությունը 2016 թվականի մարտին կթողարկի Gear S2 3G խելացի ժամացույցների նորացված տարբերակը՝ էլեկտրոնային սիմ-քարտով՝ ֆիզիկականի փոխարեն, որն առաջ պահանջվում էր սարքի համար, հաղորդում է «Արմենպրես»-ը՝ հղում անելով Engadget-ին:
Այսպիսով Gear S2 3G-ը կդառնա առաջին կրելի սարքն այդ տեխնոլոգիայի օժանդակությամբ: Կառուցվածքի փոփոխությունը թույլ կտա մեծացնել կուտակիչի ծավալը:
Samsung-ում Gear S2 3G-ի օժանդակման շուրջ համաձայնության են հասել շարժական կապի ծառայություններ տրամադրող մի շարք ընկերությունների հետ, ինչպիսիք են Մեծ Բրիտանիայի Vodafone-ը, Իսպանիայի Telefonica-ն, Ֆրանսիայի Orange-ը, ինչպես նաև Սինգապուրի Singtel-ը, M1 Limited-ը և StarHub-ը:
Ինչպես սպասվում է, Samsung-ը ձեռքի գաջեթի նոր տարբերակը կցուցադրի Շարժական կապի համաշխարհային կոնգրեսում, որը 2016 թվականի փետրվարի 22-ին կբացվի Բարսելոնում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
