Թուրքիան դե ֆակտո պատերազմի մեջ է. Hurriyet

Թուրքիան դե ֆակտո ռազմական դրության մեջ է, թեև այն իրավաբանորեն դեռևս ճանաչված չէ: Ռազմական «բազեները», որոնք աջակցում են կառավարությանը, արդեն սկսել են տոնել «հանուն անկախության՝ նոր պատերազմը», հանուն՝ «վրեժի՝ թուրքերին, որպես մուսուլմանների առաջնորդների՝ ճնշելու համար», գրում է Hurriyet թերթի սյունակագիր Նուրայ Մերթը:

Թուրքիայի միջնորդավորված պատերազմը սկսվել է Սիրիայի հակամարտությունից, սակայն, միայն վերջերս վերածվել, ըստ էության, լիարժեք ռազմական առճակատման: Հենց հակամարտության սկզբից, այսպես կոչված, սիրիական ընդդիմությանը թույլ են տվել շարժվել Թուրքիայի տարածքով: Մինչդեռ, ոչ այնքան վաղուց, նաև որոշ սիրիացի քաղաքացիներ սկսեցին բացահայտ գնալ Սիրիա՝ «ընդդիմության» կողքին պայքարելու համար: Ընդ որում, թուրքական իշխանությունները պաշտոնապես հայտարարել են, որ Սիրիայի տարածքում ռմբակոծում են Ժողովրդական ինքնապաշտպանության քրդական ջոկատները, որոնք «Իսլամական պետության» դեմ պայքարում Արևմուտքի դաշնակիցներն են: Այդ կերպ, Անկարան բառացիորեն պատերազմ է մղում, կարծում է հոդվածագիրը:

«Մենք, որպես քաղաքացիներ, չգիտենք, արդյո՞ք մեր երկիրը պատերազմական դրության մեջ է, թե ոչ, արդյո՞ք մեր կառավարությունը՝ իր արևմտյան դաշնակիցների հետ միասին՝ ԻՊ-ի դեմ պայքարի կոալիցիայի մասն է: Սակայն, այդ դեպքում ինչպե՞ս է ստացվում, որ մեր դաշնակիցների քուրդ ընկերները մեր թշնամիններն են: Եթե կարճ՝ մենք անորոշ վիճակում ենք»,- գրում է սյունակագիրը: