Պուտինը դեռ պատասխան կտա իր ագրեսիայի համար. գերմանական լրատվամիջոցներ

Անցյալ շաբաթ գերմանական մամուլում գաղափարական շրջադարձ է տեղի ունեցել: Գերմանացի լրագրողները կտրուկ փոխել են Ռուսաստանի հանդեպ վերաբերմունքը՝ թշնամականից՝ հաշտվողականի: Նրանք ընդունում են, որ Արևմուտքի հետ առճակատման մեջ մեղավորը միայն Ռուսաստանը չէ, այլ եվրոպացիներն իրենք են պախարակում Պուտինին:

Բացի այդ, նրանք մատնանշում են այն փաստը, որ Ռուսաստանի հետ հակամարտությունն օգուտ չի բերում կողմերից ոչ մեկին: Ռուսաֆոբ ագրեսիվ հռետորաբանությանը հավատարիմ են միայն իշխող կոալիցիայի մեջ մտնող կուսակցությունների ներկայացուցիչները:

Ռուսաստանի հետ անհրաժեշտ է խոսել հավասար պայմաններով, այլ ոչ թե մեծամտաբար հրահանգներ տալ

Ռուսաստանի հետ հարաբերություններում չպետք է առաջնորդվել էմոցիաներով: Անհրաժեշտ է քաղաքական այն ոլորտների սթափ վերլուծությունը, որտեղ մենք Մոսկվայի հետ ընդհանուր շահեր ունենք: Հաճախ տպավորություն է ստեղծվում, թե Ռուսաստանի հետ հակամարտությունը գոյաբանական բնույթ է կրում, իսկ նրանց, ովքեր ձգտում են միայն աշխարհաքաղաքական շահերի հավասարակշռությանը, անխտորեն պիտակավորում են «Պուտինի կողմնակիցները»: Այս վարքագիծը հստակ նկատելի է Գերմանիայի թե՛ արտաքին, թե՛ ներքին քաղաքականության մեջ: Այս տեսակետը հաշվի չի առնում իրավիճակի բարդությունը, գրում է Die Welt թերթը:

Պարբերականի նշում է, որ արտաքին քաղաքական դեբատների ավելորդ զգացմունքային շիկացումը խանգարում է Ռուսաստանի հետ ընդհանուր եզրեր գտնելուն: Թեև Ռուսաստանն իսկապես հետամուտ է արտաքին քաղաքականությանը, որը հիմնված է բացառապես իր սեփական շահերի վրա: Այսպիսով, այն ուղղակի առճակատման մեջ է մտնում Արևմուտքի հետ, որը նախկինում ակտիվ աշխարհաքաղաքականությունը բացառապես սեփական իրավասությունն էր համարում:

Ռուսները հասկանում են միայն ուժի լեզուն

Սակայն, ոչ բոլորն են տրամադրված Ռուսաստանի հետ երկխոսությանն ու հաշտեցմանը: Իշխող կոալիցիայից մի շարք քաղաքական գործիչներ շարունակում են խիստ ագրեսիվ հռետորաբանություն օգտագործել նրա դեմ:

«Եվրոպան պետք է միաբանության սկզբունքով գործի Ռուսաստանի հետ բանակցություններում: Մենք հնարավոր ամեն ինչ պետք է անենք, որպեսզի հանդես գանք որպես մեկ ամբողջություն: Ռուսաստանը հասկանում է միայն ուժի լեզուն: Եվրոպան պետք է մեկ ձայնով խոսի նրա հետ, այն պատճառով, որ պառակտված Եվրոպան ոչ մի շանս չունի Ռուսաստանի դեմ»,- մեջբերում է Focus հանդեսը Բունդեսթագի ռուս-գերմանական խորհրդարանական խմբի նախագահի, Գերմանիայի Սոցիալ-դեմոկրատական կուսակցության իշխող կոալիցիայի մեջ մտնող անդամ Բեռնարդ Քասթերի խոսքը:

«Ռուսների մարտավարությունը՝ Սիրիայում ռազմական ուժի անխնա կիրառումն է, որպեսզի հասնեն լավագույն բանակցային դիրքորոշումներին: Պետք է խոստովանել, որ ներկա պահին Ռուսաստանը կարողացել է հաղթել Մերձավոր Արևելքում քաղաքական գերիշխանությունը՝ շնորհիվ իր դաժան, անմարդկային, ցինիկ ուժային քաղաքականության, կամայական սպանությունների և մարդկության դեմ հանցագործությունների: Բայց Պուտինը կվճարի դրա համար»,- մեջբերում է Die Welt-ը Բունդեսթագի միջազգային հարցերով հանձնաժողովի նախագահ, ինչպես նաև Գերմանիայի Սոցիալ-դեմոկրատական կուսակցության իշխող կոալիցիայի մեջ մտնող անդամ Նորբերտ Ռեթգենին: