Էրդողանը չի մեկնել Ալիևի մոտ՝ վախենալով Ղարաբաղի մոտ լինելուց. Cebhe.info

Անկարայում տեղի ունեցած պայթյունների պատճառով՝ Թուրքիայի նախագահ Ռեջեփ Թայիփ Էրդողանը, չեղյալ է հայտարարել երկու կարևոր հանդիպումները՝ Բրյուսելում փախստականների հարցով գագաթնաժողովը և այցը Ադրբեջան: Բաքու էր ուղարկվել Թուրքիայի արտաքին գործերի նախարար Չավուշօղլուն: Չնայած նրան, որ Բաքվի ԶԼՄ-ները ընդունում են ճգնաժամի ժամանակ Անկարայում Էրդողանի ներկայության կարևորությունը, ոմանք դրանում որոշակի ժեստ են նկատել:

Cebhe.infovidit պատճառը տեսնում է նրանում, որ Ադրբեջանը չի աջակցում Սիրիայում թուրքական քաղաքականությանը: Հանդիպման ֆորմատը արտաքին գործերի մակարդակին իջեցնելով՝ ցույց է տալիս, որ «Թուրքիան դժգոհ է Բաշար Ասադի հանդեպ պաշտոնական Բաքվի դիրքորոշումից», - գրում է գործակալությունը: «Քամիների փոփոխությունը» զգացվում է նաև Միլլի Մեջլիսի մի շարք պատգամավորների ելույթից, որոնք «պաշտպանում են Ռուսաստանի դիրքորոշումը»: Ադրբեջանական ԶԼՄ-ները չեն ալարել և մոնիտորինգի են ենթարկել իրենց թուրք գործընկերների հրապարակումները: Ահա թե ինչպես են թուրքական ԶԼՄ-ները արձագանքել Ազիմովի դիրքորոշմանը. «Լեռնային Ղարաբաղի պատճառով՝ Թուրքիան խզել է հարաբերությունները Հայաստանի հետ, փակել սահմանները: Իսկ ի՞նչ է արել Ադրբեջանը»:

Ադրբեջանական ԶԼՄ-ները ուշադրություն են հրավիրել թուրք-ադրբեջանական հանդիպման ևս մեկ ուշագրավ մանրուքի վրա: Խնդիրն այն է, որ թուրքական ինքնաթիռն ի սկզբանե պետք է վայրէջք կատարեր Գյանջայում, որտեղ հանրապետության նախագահ Իլհամ Ալիևն արդեն սպասում էր Էրդողանին: Սակայն, եղանակային պայմանների պատճառով, որոշվել է փոխել չվերթը՝ Անկարա-Բաքուի: Cebhe.info կարծում է, որ խնդիրը ոչ միայն օդերևութաբանության մեջ է. «Գյանջան փաստացի սահմանամերձ է ղարաբաղյան հակամարտության գոտուն: Բացի այդ, օկուպացված բարձունքներից քաղաքը կարելի է տեսնել մի հայացքով: Եթե հաշվի առնենք, որ հայկական ուժերը և, ընդհանրապես, տարածաշրջանն ու հարակից տարածքները գտնվում են ռուսական հետախուզության վերահսկողության տակ, ապա Սու-24-ի հետ միջադեպի համար վրեժի ծարավ Մոսկվան կարող էր օգտագործել «հայկական հաղթաթուղթը» և թաքնվել դրա հետևում, այդ ժամանակ պատկերն էլ ավելի կբարդանար»: