Մոսկվայում ձերբակալվել է վրացի «օրենքով գող» «Շաքրոն»

Մոսկվայի ոստիկանության քրեական հետախուզության աշխատակիցները ձերբակալել են 53–ամյա նախկին «օրենքով գող» Զակրո Սուկիազովին, որը հանցավոր աշխարհում առավել հայտնի է թբիլիսցի «Շաքրո» մականվամբ։ Անձնական խուզարկության արդյունքում վերջինիս մոտից հայտնաբերվել է «հերոին» տեսակի թմրանյութ, հաղորդում է GHN լրատվական գործակալությունը։

Վերջին անգամ «Շաքրոն» ձերբակալվել է 2009–ի հոկտեմբերի 30–ին։ Այդ ժամանակ ոստիկանությունը նրա նկատմամբ քրեական գործ էր հարուցել թմրանյութ պահելու և օգտագործելու մեղադրանքով։