Ուկրաինայում հաջորդ հեղափոխությունը «Եվրամայդանից» շատ ավելի վատ կլինի. Financial Times

Կիևի կառավարության անհեթեթ ֆարսը ցույց է տվել, որ բոլոր փորձություններն ու վնասները, որոնք վերջին տարիներին ստիպված է եղել կրել ուկրաինացի ժողովուրդը, բոլորովին իզուր էին, գրում է Financial Times-ը:

Ուկրաինայի իշխող կոալիցիայի փլուզումը լավագույնս հարմարվել է այն մտքին, որը խաղարկվել է անցյալ շաբաթ նախագահ Պյոտր Պորոշենկոյի ղեկավարության ներքո: «Ինքնօգնություն» կուսակցությունը՝ իշխող կուսակցության բարեփոխումների վրա կենտրոնացված խմբակցությունը, հեռացել է կառավարությունից Մայդանում տեղի ունեցած արյունալի իրադարձություններից ուղիղ երկու տարի անց, նշում է պարբերականը:

Չնայած երկու ժողովրդական հեղափոխություններին և ավելի քան հարյուր մահացած ցուցարարներին՝ Ուկրաինան շարունակում է մնալ օլիգարխների ձեռքում, ովքեր համակարգում ցանկացած փոփոխության դեմ են հանդես գալիս, շահույթ ստանում ոչ թափանցիկ գործարքներից և պետական տենդերներից, գրում է Financial Times-ը:

«Հեղափոխություն՝ հիասթափություն-լճացում» անվերջ կրկնվող փուլերն ապրելով, Ուկրաինան ցույց է տալիս իրեն, որպես մի երկիր, որտեղ մարդիկ հակված են մշտական ապստամբությունների, իսկ համակարգը հեղափոխությունների հանդեպ կայուն իմունիտետ ունի: Վտանգը կայանում է նրանում, որ յուրաքանչյուր նոր հեղափոխություն ավելի դաժան է դառնում: Եվ հաշվի առնելով զգալի թվով նախկին զինվորականների և սև շուկայում էժանագին զենքի առկայությունը, հաջորդ «շրջանը» կարող է «Եվրամայդանից» շատ ավելի վատ լինել, եզրափակում է պարբերականը: