«Բոլոր 5 նպատակները ձեռք են բերված». The New York Times-ը՝ Սիրիայում ՌԴ-ի քաղաքականության մասին

Ռուսաստանի իշխանությունները, որոնց հաջողվել է համաձայնության հասնել Վաշինգտոնի հետ՝ փետրվարի 27-ից Սիրիայում հրադադարի հաստատման շուրջ, ձեռք են բերել միանգամից «հինգ խոշոր նպատակները»: Նման եզրահանգման է եկել ամերիկյան The New York Times պարբերականը:

Պարբերականի տվյալներով՝ Մոսկվային հաջողվեց «խափանել ԱՄՆ-ի՝ ՌԴ-ին մեկուսացնելու ծրագրեը», «դադարեցնել Սիրիայում ռեժիմը փոխելու փորձերը», «ցուցադրել նոր զենքը», «ապացուցել, որ Մոսկվան ավելի հուսալի դաշնակից է, քան Վաշինգտոնը», ինչպես նաև հեռացնել Ռուսաստանի քաղաքացիների մտահոգությունները՝ պայմանավորված Ուկրաինայում հակամարտությամբ:

«Բոլոր 5 նպատակները ձեռք են բերված»,- նշում է թերթը:

Ինչպես գրում է պարբերականը, այժմ ռուսական իշխանությունները կարող են կենտրոնանալ պատժամիջոցների վերաբերյալ ԵՄ-ի և ԱՄՆ-ի հետ երկխոսության վրա, որոնք սահմանվել են Ուկրաինայում իրադարձությունների պատճառով: