Պուտինը կարող է հանգստանալ՝ ուկրաինացներն ինքնուրույն կկործանեն սեփական երկիրը. The Washington Times

Բոլորն էլ գիտեն, թե ինչպես է Ռուսաստանը փորձում Ուկրաինան պահել իր ազդեցության ոլորտում, և կանխել վերջինիս մերձեցումն Արևմուտքի հետ, իսկ Արևմուտքը, իր հերթին, փորձում է Ուկրաինայի համար ճանապարհ հարթել դեպի ազատ շուկա և ժողովրդավարություն: «Մեծավմասամբ, բացառությամբ Ղրիմի թերակղզու կորստի, որը բռնակցվել է Ռուսաստանի կողմից 2014 թ., Ուկրաինան վճռականորեն գնում էր դեպի իր երազանքներն ու դիմակայել է «ռուսական արջին»»,- գրում է The Washington Times-ը:

Ուկրաինայի քաղաքական համակարգը փլուզվում է, քանի որ կոռումպացված ուժերը դեռևս չափազանց մեծ մուտք ունեն դեպի քաղաքական իշխանության լծակներ: «Բարեփոխումներին տրամադրված քաղաքական գործիչները գարշանքով հրաժարական են տալիս: Վստահությունը, որ կառավարությունը կարող է իրականացնել «Մայդանի» կամքն ու երազանքները, անհետանում է: Մարդիկ ավելի են կորցնում համբերությունը: Նրանք զայրացած են, քանի որ ավելի քան 100 մարդ զոհաբերել է իր կյանքը՝ հանուն հեղափոխության և ազատության, սակայն նրանց զոհաբերությունն ապարդյուն է: Երկու տարի անց նրանք տեսնում են, որ ոչինչ չի փոխվել»,- նշում է պարբերականը:

Ճակատագրի հեգնանքով՝ այս անորոշության և անկայունության արդյունքը դառնում այն փաստը, որ ՌԴ նախագահ Վլադիմիր Պուտինը կարող է հանգիստ նստել և հետևել, թե ինչպես Ուկրաինան ինքն իրան կկործանվի»,- գրում է պարբերականը: Նա այլևս կարիք չունի ճնշում գործադրել Պյոտր Պորոշենկոյի իշխանության վրա՝ գրավելով Արևմուտքի քննադատությունը: «Քաղաքական գործիչները Կիևում պարոն Պուտինի փոխարեն կատարում են ամբողջ աշխատանքը: Թերևս ժամանակն է, մեկ անգամ ևս տագնապ հնչեցնել և Ուկրաինայի երիտասարդներին «Մայդան» վերադարձնել»,- եզրափակում է The Washington Times-ը: