Սիրիայում խաղաղ գործընթացը՝ Պուտինի թելադրմամբ է ընթանում.Washington Post

Բարաք Օբաման և իր որոշ խորհրդականներ թերահավատորեն են մոտեցել Սիրիայում սահմանված հրադադարին, և նրանք լուրջ պատճառներ ունեն դրա համար: Ինչպես գրում է Washington Post-ը, եթե մարտական գործողությունների ինտենսիվությունն իսկապես նվազի, ապա դա տեղի կունենա միայն այն բանի շնորհիվ, որ այն կհամընկնի Վլադիմիր Պուտինի ռազմավարական շահերի հետ: Հրադադարի ճշմարիտ իմաստը, պարբերականի հեղինակների կարծիքով, այն է, որ այսուհետ Ռուսաստանը կվերահսկի Սիրիայում իրադարձությունների հետագա զարգացումը:

Ինչպես նշում է պարբերականը, «Վլադիմիր Պուտինը վայելում է այն աշխարհաքաղաքական հաղթանակը, որը նրան տվեց Օբամայի վարչակազմը»: Ամերիկացի լրագրողների կարծիքով՝ սիրիացի ապստամբներին աջակցելու փոխարեն, Օբաման որոշել է խաղաղություն շուրջ պայմանավորվել՝  Մոսկվայի պայմաններով, ինչը թույլ է տալիս ՌԴ նախագահին խոսել հակամարտության ապաշրջափակման մեջ Ռուսաստանի առաջատար դերի մասին, մինչդեռ ԱՄՆ-ն միայն կրտսեր գործընկերն է:

«Ամերիկյան քաղաքականության պասիվությունն է, որ թույլ է տալիս Պուտինին Սիրիայում գործել այնպես, ինչպես որ նա է ցանկանում է: Մտածելով հարյուր հազարավոր մարդկանց մասին, ովքեր Հալեպի պաշարման թակարդում են, և ովքեր ենթարկվում են ռմբակոծումների՝ մենք հույս ունենք, որ Պուտինի շահերից կբխի՝ ռազմական գործողությունների դադարը: Սակայն, եթե նա նույնիսկ վարվի նման կերպ, ապա ոչ պայմանավորված այն հանգամանքով, որ նրան ԱՄՆ-ն է ստիպել»,- եզրափակում է ամերիկյան պարբերականը: